شرح كيفية عمل Debloat لنظام Windows 11 وذلك بحذف Built-in apps المدمجة به والتي يتسبب بعضها في بطيء غير منطقي للنظام خصوصاً مع الأجهزة الغير مدعومة.
تحميل البرنامج
أداة ThisIsWin11 المعروفة باسم TIW11 هي أداة مجانية تتيح لنا تخصيص Windows 11 بالكامل باستخدام تطبيق واحد.
فيديو الشرح
حذف التطبيقات الغير ضرورية Remove Bloatware
مبدئياً إحنا نستخدم أداة صغيرة جداً اسمها TIW11، بعد تحميل الأداة فك الضغط عنها، دوس على الملف ده رايت كليك وبعدين اختار Run as administrator، اضغط على Yes عشان توافق على استخدام صلاحيات الأدمن.
البرنامج هيفتح بالشكل ده، من القائمة اللي على الشمال اضغط على تالت اختيار Debloat Windows 11، حدد الـ Apps الغير ضرورية اللي انت عايز تحذفها واضغط على زر Move Selected لنقلها للـ Recycle bin تمهيداً لحذفها، أو أنا بفضل اضغط على Move All وبعدين اختار الـ Apps اللي انا عايز احتفظ بيها وبعدين اضغط على Restore Selected لاستعادتها.
لحذف التطبيقات دي اضغط على زر Empty bin وبعدين اضغط على Yes، عملية حذف التطبيقات دي بتاخد وقت ممكن يمتد لدقيقتين 2 لذلك انتظر لحد ما يتم حذف كل التطبيقات اللي احنا اخترناها.
لو ظهرت الرسالة دي، ومفادها إنه لم يتم حذف جميع التطبيقات المختارة والسبب إن البرامج دي شغالة وبتعمل في الـ Background في الوقت الحالي.
وطبعاً بعد عملية حذف تطبيقات الـ Bloatware بنصحكم تعملوا ريستارت للسيستم، عشان نحس بفرق كبير في سرعة النظام وسلاسة أكتر في استخدامه
استعادة البرامج إذا تم حذفها عن طريق الخطأ
طيب نفترض إنك حذفت تطبيق انت بتستخدمه عن طريقة الخطأ، هل نقدر نسترجع التطبيقات دي؟، الإجابة أينعم تقدر، من خلال القائمة الجانبية نختار Automate tasks، ومنها نحدد الـ checkbox اللي مكتوب عليه Reinstall all built-in apps، وبعدين نضغط على Run Selected، وبعدين نضغط على Yes، بعدها الكمبيوتر هيبدأ في إعادة تثبيت التطبيقات دي عشان نرجع للوضع الافتراضي في حالة حذف تطبيق مهم عن طريق الخطأ.
