يعتبر الإنترنت واحد من أفضل مصادر المعرفة في العصر ده، لكن لو حابب تسترخي وتاخد بريك من جدية الحياة وتشوف مواقع غريبة ومضحكة وغير عادية، شاهد فيديو "أغرب المواقع علي الإنترنت هتتصدم لما تدخلها" للنهاية.
مشاهدة الفيديو
في الفيديو ده هنقوم برحلة للتعرف على جانب غريب من الإنترنت ونستعرض سوا شوية مواقع غير اعتيادية غريبة ومريبة وممتعة ومضحكة.
روابط المواقع
Windows Swap
موقع Windows Swap بيسمح لك تلقي نظرة من خلال نافذة أو شباك شخص تاني مقيم في دولة مختلفة بشكل عشوائي، لاستخدام الموقع ببساطة اضغط علي Open a new Windows somewhere in the world فبيفتح معاك شباك وبيوضح لك فوق هنا الموقع بتاع الشباك، ممكن تضغط تاني Open A new Window وبرضو بيظهر لك الموقع بتاع النافذة هنا، كل ما تضغط علي الزر كل ما هايفتح لك نوافذ من أماكن مختلفة من العالم.
Find the Invisible Cow
موقع Find the Invisible Cow بيقدم لعبة Hide & seek جميلة جداً، اضغط علي Start Game، كل اللي مطلوب منك إنك تبحث عن البقرة المخفية باستخدام مؤشر الماوس، كل ما كنت بعيد بالماوس عن مكان البقرة كل ما الصوت بيكون منخفض، وكل ما تقرب بالماوس من مكان البقرة كل ما الصوت بيرتفع، ومجرد ما بتلاقي البقرة بتضغط عليها، بتخرج البقرة تقولك مووو.
Random Street View
موقع Map Crunch أو Random Street View من المواقع الممتعة جداً بالنسبالي، لو كنت حاسس بالملل وحابب تستكشف وجهات سفر جديدة ومثيرة للإهتمام أو حابب تشوف مناطق وبلاد جديدة، فالموقع ده هياخدك لعرض شوارع من خرائط جوجل في مكانٍ ما في العالم، كل ما عليك هو إنك تضغط علي زر Go، وهو هياخدك لأماكن عشوائية، هنا بيظهر اسم وعنوان المكان، وتقدر تمسك المكان بمؤشر الماوس وتحرك عشان تستكشف المكان، ولو حابب تتجول في المكان ممكن تستخدم الأسهم البيضاء دي للتحرك في اتجاه الشارع، وكمان ممكن تضغط بمؤشر الماوس مباشرة للمكان اللي انت عايز تروح له.
كمان ممكن تدوس علي زر Options وتختار الدولة اللي انت حابب تشوف أماكن فيها، للأسف مصر مش من ضمن الدول دي لكن موجود دول عربية زي تونس والإمارات.
برافو عليك
Zoom Quilt
موقع Zoom Quilt موجود علي الإنترنت منذ عام 2004، يعتبر أحد أغرب المواقع اللي عرفتها، فكرة الموقع هو عمل Infinite Zoom أو تكبير لا متناهي من خلال عمل زووم لا يتوقف عبر لوحات من الرسوم الفنية لا تنتهي أبداً، يعني لو سيبت الموقع ده شغال سنين هيفضل يعمل زوم إلي النهائية وما بعدها، لو ضغط بزر الماوس في أي مكان في الموقع بتظهر القائمة الجانبية دي، الموقع بيوفر لوحات التكبير اللا متناهي كخلفية لأجهزة أندرويد من خلال التطبيق الخاص بالموقع علي جوجل بلاي، كمان الموقع بيقدم نسختين جداد منه Arkadia Zoom Quilt ودي لوحات من الطبيعية، والموقع التاني Zoom Quilt 2 ودي لوحات فيها شخصيات كرتونية
Pointer Pointer
موقع Pointer Pointer كل فايدته في الحياة هو إنك كل ما تحرك مؤشر الماوس علي أي مكان في الصفحة، هايظهر لك صورة لشخص بيشاور علي المكان اللي واقف فيه المؤشر، نجرب مرة تانية
Staggering Beauty
موقع Staggering Beauty، عارفين انتوا بالون الاحتفالات اللي بيرقص مع اتجاه الرياح ده اللي بيكون موجود دائماً قدام المحلات والمولات؟ بكل بساطة البالون ده بيتحرك مع مؤشر الماوس وبيتراقص معاه زي ما انتوا شايفين كدة، الغريب بقي اللي بيحصل لما بتحرك مؤشر الماوس بسرعة
Cat Bounce
لو كنت من الناس اللي بتحب القطط، قطعاً هتحب موقع Cat Bounce، الموقع باختصار بيعرض قطط بتتنطط علي الشاشة، تقدر تمسك أي قطة بمؤشر الماوس وتعملها إسقاط في أي مكان في الشاشة، كمان ممكن تضغط علي Make it rain والدنيا بتشتي قطط كدة، بصراحة انا كمان حابب أضيف القطط للحاجات اللي مش بحبها بعد الدحيح
Scream into the void
بدل ما تنشر إحباطاتك علي وسائل التواصل الاجتماعي وتصدر للناس طاقة سلبية ممكن تندم عليها في المستقبل، تيجي هنا فايدة موقع Scream into the void أو الصراخ في الفراغ، اكتب مشاعرك أو اللي انت عايز تقوله، وبعدين دوس علي Scream، وشد السيفون علي الإحباطات وكل اللي يضايقك
Patience is a virtue
الموقع ده اسمه Patience is a virtue يعني "الصبر فضيلة"، الموقع عبارة عن صفحة بتفتح مكتوب فيها Loading, Please wait، بكل بساطة ممكن تستغله في إنك تعمل مقلب في شخصٍ ما، لو خليت الموقع ده هو الـ Homepage للمتصفح، بحيث كل ما الشخص ده يفتح المتصفح يفضل المتصفح واقف علي الموقع والشخص ينتظر، حوار قديم ممكن ماينفعش حالياً إلا مع الناس اللي خبرتها في الكمبيوتر ضعيفة
RRRGGGBBB
موقع RGB أو رجب علي رأي أخونا سنكره، كل وظيفته في الحياة لما تقف علي أي حرف منهم، صوت روبوت بيجعر ينطق الحرف، ثواني كدة الحركة دي عجبتني نطقها أقرب للنطق الطبيعي للكلمة
Hacker Typer
الموقع ده ممكن تشتغل بيه أي حد وتفهمه إنك هاكر محترف، بمجرد ما تفتح الموقع وتضغط علي Start Hacker Typing، ابدأ الضغط بشكل عشوائي علي الكيبورد كأنك بتكتب وهيظهر علي شاشة الكمبيوتر كأنك بتكتب بطريقة الهاكرز المحترفين، وعشان تكون الخدعة منطقية ممكن لما تخلص كتابة تضغط علي زر Alt تلات مرات بشكل متتالي هتظر لك رسالة Access Granted وبكدة اللي قاعد جنبك هيبصم بالعشرة إنك هاكر محترف 😀
The Useless Web
يعتبر The Useless Web شبكة وموسوعة للمواقع الغريبة والغير معتاده، زي ما انتوا شايفين كدة Take Me to a useless website كل ما تضغط علي زر Please بيوديك لموقع غريب في كل مرة تضغط علي الزر
Chris McKenzie
موقع كريس ماكينزي بيظهر مكعب لونه وردي كدة، بيتتبع مؤشر الماوس بالنظر إليه، وكل ما تخرج بمؤشر الماوس بره الشاشة كل ما المكعب الوردي ده يبقي حزين
Make Everything OK
لو كنت مريت بيوم عصيب، تقدر تدوس علي الزر السحري Make Everything OK، انتظر شوية وهو هيخلي كل شئ تمام وإبسط يا سيدي 😀
Windows 93
الذكريات كلها موجودة في موقع Windows 93، تم تصميم الموقع ليظهر بشكل مماثل لنظام التشغيل Windows 95، لو كنت حاسس بالحنين للماضي فإنت هتلاقي هنا العشرات من التطبيقات والبرامج والميمز المشهورة علي الإنترنت من التسعينات وبداية الألفينات، في الزاوية تحت هتلاقي زر قائمة Start جواها برامج وحاجات كتير أنا أضمن لك انها هتخليك مستمتع جداً بوقتك، هتلاقي محاكيات للألعاب القديمة، ومحاكاة لفيروسات العصر ده، الموقع فيه مفاجئات كتير هسيبكم تجربوها بنفسكم